अजय देवगण सतत त्याच्या आगामी चित्रपटांवर काम करत आहे. त्याच्या आगामी चित्रपटांच्या यादीत ‘सिंघम अगेन’ आणि ‘सन ऑफ सरदार 2’ सारख्या अनेक चित्रपटांच्या नावांचा समावेश आहे. पण गेल्या काही दिवसांपासून अजय त्याच्या ‘सन ऑफ सरदार 2’साठी परदेशात शूटिंग करत आहे. या कॉमेडी-ड्रामा चित्रपटासाठी चांगल्या स्टारकास्टला एकत्र आणण्यात आल्याचे नुकतेच समोर आले होते. सध्या लंडनमध्ये शूटिंग सुरू आहे. अजय देवगणच्या या चित्रपटात संजय दत्त, रवी किशन, मृणाल ठाकूर, विजय राज, चंकी पांडे, विंदू दारा सिंग, दीपक डोबरियाल, मुकुल देव, अश्विनी काळसेकर आणि कुब्बरा सैत सारखे स्टार्स दिसणार आहेत. मात्र याच दरम्यान एक धक्कादायक बातमी समोर आली आहे. ‘सन ऑफ सरदार 2’ बद्दल बोलले जात आहे की, निर्मात्यांनी विजय राज याला या प्रोजेक्टमधून बाहेर करण्याचा मोठा निर्णय घेतला आहे.
रिपोर्टनुसार, विजय राजने चित्रपटाच्या सेटवर निर्माते आणि क्रू यांच्याशी चांगले वर्तन केले नाही. पिंकविलाने कुमार मंगत पाठक यांच्याशी बोलले, जे अजय देवगणसोबत सन ऑफ सरदार 2 सह-निर्माते आहेत. तो म्हणाला, होय, हे खरे आहे की विजय राज यांच्या सेटवरील वागणुकीमुळे आम्ही त्याला चित्रपटातून काढून टाकले आहे. त्याने मोठी खोली, व्हॅनिटी व्हॅनची मागणी केली आणि स्पॉट बॉयसाठी आमच्याकडून जास्त पैसेही घेतले. वास्तविक, त्याच्या स्पॉट बॉयला एका रात्रीचे 20,000 रुपये मिळायचे, जे कोणत्याही मोठ्या अभिनेत्याच्या स्पॉट बॉयपेक्षा जास्त आहे. UK हे महागडे ठिकाण आहे आणि शूटनुसार प्रत्येकाला चांगल्या खोल्या देण्यात आल्या होत्या. पण त्याची मागणी प्रिमियम सूट्ससाठी होती. आम्ही त्याला कोस्टिंग समजावून सांगण्याचा प्रयत्न केला असता त्याने समजून घेण्यास नकार दिला आणि चुकीचे बोलले.
कुमार मंगत पाठक सांगत आहेत विजय राज यांची प्रतिक्रिया. त्यानुसार विजय म्हणाला, ‘तुम्ही लोकांनी मला संपर्क केला, मी पुढे येऊन काम मागितले का?’ आम्ही त्याच्या सर्व मागण्या पूर्ण करण्याचा प्रयत्न केला, त्याचे वागणे अधिकच बिघडले, पण त्याच्या मागण्या कधीच संपल्या नाहीत. त्याने आपल्या 3 कर्मचाऱ्यांसाठी दोन कारची मागणीही सुरू केली. आपण हे कसे करू शकतो? ईपीने ‘नाही’ म्हटल्यावर त्याने ईपीशी (कार्यकारी निर्माता) गैरवर्तन केले. अनेक चर्चेनंतर आम्ही त्याला चित्रपटातून काढून टाकण्याचा निर्णय घेतला.
मात्र, निर्मात्यांशी बोलल्यानंतर पिंकविलाने अभिनेता विजय राज यांच्याशीही चर्चा केली. विजय राज म्हणतात, मी टेस्टसाठी वेळेवर पोहोचलो. मी व्हॅनजवळ पोहोचलो आणि रवी किशन मला भेटायला आला. ईपी, आशिष आणि निर्माता कुमार मंगत मला भेटायला आले, त्यानंतर दिग्दर्शक विजय अरोरा आले. मी व्हॅनमधून बाहेर आलो आणि अजय देवगण 25 मीटर दूर उभा असलेला दिसला. मी त्याच्या स्वागताला गेलो नाही, कारण तो बीजी होता आणि मी माझ्या जवळच्या मित्रांशी बोलत होतो. 25 मिनिटांनी कुमार मंगत माझ्याकडे आले आणि म्हणाले, ‘तुम्ही चित्रपट सोडा, आम्ही तुम्हाला सोडतो.’ माझ्याकडून एकच गैरवर्तन झाले की मी अजय देवगणला नमस्कार केला नाही. मी क्रूलाही भेटलो नाही आणि हेच लोक आहेत, ज्यांच्याशी मी बोललो. सेटवर पोहोचल्यानंतर 30 मिनिटांनी अजय देवगणला अभिवादन न केल्यामुळे मला चित्रपटातून बाहेर फेकण्यात आले. हे शक्तिशाली लोक आहेत आणि गैरवर्तन करण्यात काही अर्थ नाही.
कुमार मंगत विजयने सांगितलेल्या कथेला पूर्णपणे चुकीचे म्हणत आहेत. तो म्हणतो की अजय देवगण सर्वांशी आदराने वागतो आणि त्याचा स्वभाव असा नाही की त्याने एखाद्याला अभिवादन केले नाही, तर तो त्याला चित्रपटातून हाकलून देईल. निर्मात्यांच्या म्हणण्यानुसार, विजय राज यांना चित्रपटातून काढून टाकल्याने आम्हाला किमान 2 कोटी रुपयांचे नुकसान झाले आहे आणि आम्ही छोट्या गोष्टींसाठी असे पाऊल उचलणार नाही. त्याचे वागणे ही चिंतेची बाब होती आणि आमच्या चित्रपटाच्या सेटवर अनादर करणाऱ्यास जागा नाही.
